Madridliklar hujumchisi Chempionlar ligasidagi g‘alabadan so‘ng “Oltin to‘p” haqidagi savolga javob berdi.

“Men mavsumni yakunladim. Menimcha, klub bilan bundanda yaxshiroq ishlay olmas edim. Nima bo‘lganda ham men erishgan yutuqlarimdan faxrlanaman.

Biz butun dunyoga saboq berdik va tirik ekanligimizni, shu yerda ekanligimizni ko‘rsatdik. Keling, “Oltin to‘p” bilan nima bo‘lishini ko‘ramiz, chunki mening maydonda sovrinlar va boshqa yutuqlarim bor”, – dedi “Real” forvardi.

Ma’lumot o‘rnida, madridliklar bilan bu mavsumda Benzema La Liga, Chempionlar Ligasi va Ispaniya Superkubogida g‘olib chiqdi. Karim Ispaniya chempionati (27 gol) va Chempionlar ligasi (15 gol) to‘purari bo‘ldi.

Shuningdek, 34 yoshli hujumchi joriy mavsumda “Real” safida barcha turnirlarda 46 o‘yinda 44 ta gol urdi va 15 ta golli uzatmani amalga oshirdi.

• "Oltin to'p
• Benzema
• Futbol
• YeChL