Madridliklar hujumchisi Chempionlar ligasida gol urish bo‘yicha Krishtianu Ronalduning rekordini yangilamoqchi.

2013/14-yilgi mavsumda o‘sha paytda “Real”da o‘ynagan portugaliyalik Chempionlar ligasida 17 ta gol urgan. 28-may kuni “Liverpul”ga qarshi o‘yin oldidan joriy mavsumda Benzemaning hisobida 15 ta gol bor.

“- Har doim rekordlar bo‘ladi, lekin ularni yangilasa bo‘ladi. Men uchun eng muhimi - maydonda bor kuchimni berib, jamoamning g‘alaba qozonishiga yordam berish. Agar siz gol ursangiz yoki golli uzatma bersangiz, bu juda muhim. Ammo g‘alaba doimo birinchi o‘rinda turadi.

- Ushbu Chempionlar ligasida qaysi golni yoqtirasiz?

Ularning barchasi yaxshi va muhim edi. Eng chiroylisi, ehtimol, PSJ darvozasiga kiritilgan uchinchi gol yoki “Manchester Siti” bilan o‘yinda penalti bo‘lgan. Lekin “Chelsi” darvozasiga aniq bosh bilan zarba berilganini ham qayd etishimiz kerak, chunki chiroyli kombinatsiya bo‘lgan edi”, – dedi “Real” hujumchisi.

• Benzema
• Futbol
• Real
• YChL