Rossiya prezidenti Vladimir Putinga ikki mamlakat o‘rtasidagi yaxshi qo‘shnichilik va birodarlik munosabatlarini rivojlantirishdagi ulkan xizmatlari uchun KXDRning eng yuqori mukofoti Kim Ir Sen ordeni topshirildi, deb xabar beradi Shimoliy Koreya radiosi.

Taqdimot marosimi kecha, 19-iyun kuni bo‘lib o‘tgan. “Koreya mehnat partiyasi Markaziy qo‘mitasi, Davlat Kengashi va KXDR Oliy xalq Majlisi Prezidiumi Kim Ir Sen KXDR oliy ordenini Rossiya Prezidenti Vladimir Vladimirovich Putinga berishga qaror qildi”, – deb xabar beradi radio.

Ta’kidlanishicha, orden Putinga KXDR va Rossiyaning do‘stlik va birodarlik munosabatlarini strategik sheriklik va buzilmas ittifoqchilik munosabatlariga ko‘tarish va rivojlantirishdagi ulkan xizmatlari va Koreya-Rossiya do‘stligining yangi sahifasini ochgani uchun topshirilgan.

• KXDR
• Kim Chen In
• Putin
• Rossiya