Insoniyat qahvaning foydasini ancha avvaldan bilgan, shu bois u ko‘p iste’mol qilinadigan ichimliklardan biri hisoblanadi. Doim kompyuterda ishlash va stess oqibatida hozirgi odamning ichki quvvati ko‘p narsaga dosh berolmaydi. Bu borada qahva yaxshi ko‘makchi ekanligi haqida Yahoo News Japan nashri maqola e’lon qildi.

"Zamonaviy dunyoda tanamiz quvvati doimiy ravishda yo‘q qilinadi. Ularni kuchaytirishning eng samarali usuli – har kuni ertalab quyosh vannasi qabul qilish hamda nonushta. Biroq bu borada kofein ham tanaga ijobiy ta'sir ko'rsatadi, shundoq ekan ertalabki bir finjon qahva ichish oqilona ish, –  deya ta’kidlaydi yapon nashri.

Qahva isi ham tanaga ijobiy ta’sir o‘tkazishi mumkin. Uning tarkibida 300 dan oshiq antioksidant moddalar bo‘lib, ular qahvani qaynatgandan so‘ng 5 daqiqa o‘tib yo‘qoladi.

Qahvani ertalab, nonushtadan so‘ng ichish tavsiya etiladi. Kechga esa undan voz kechgan ma’qul, chunki qahva ichki quvvatni sekinlatadi. Olimlar uni choyga almashtirishni tavsiya etishadi.

• Yaponiya
• tadqiqot