Prezident Shavkat Mirziyoyev Oʻzbekiston Respublikasi davlat mustaqilligining oʻttiz bir yilligiga bagʻishlangan tantanali marosimdagi nutqida 2026-yilgacha Taraqqiyot strategiyasi doirasida 5 ta asosiy vazifani belgilab berdi. Prezident Administratsiyasi rahbarining oʻrinbosari Komil Allamjonov mazkur maʼruzaga sharh berdi.
“Kechagi Prezident maʼruzasi nimasi bilan farq qiladi? Undagi masalalar doim aytib kelinardiku.
Gap shundaki yurtimizda muammo koʻp, uning yechimi uchun imkoniyat kam. Oʻzimizni qancha oʻqqa-choʻqqa urmaylik, chegaralangan imkoniyat bilan masalani oxiriga yetkaza olmaymiz. Ishlarimiz natijasi chala-chulpadek boʻlib qolaveradi.
Buning yechim qanday degan savolga kecha Prezident javob berdi.
U 5 ta sohani ustuvor qilib ajratib, hozirgi bor imkoniyat bilan, shu 5 ta sohani 5 ga bajaramiz, uni ustiga oʻtirib olib, yoyilib ketmasdan ishlaymiz demoqchi boʻlyapti.
Nega aynan shu 5 ta soha?
Biznes ortidan odamlar, jamiyat boy boʻladi. Kambagʻallik qisqaradi. Boylari koʻp yurtda turli sohalar, servis xizmatlar, umuman yaxshi hayotga intilish kuchayadi va barpo boʻladi.
Biznesmenlar huquqlarini shaxslar emas qonun, odil sud himoya qila olsa, ular pulini chetga olib chiqib ketmaydi, chetdan kiradigan investorlar soni ham shunga qarab koʻpayadi, chunki ularda ham ishonch boʻladi.
Aslida hamma muammoning yechimi bu odil sud. Sud kuchli boʻlsa oddiy aytganda taʼlimda ham, biznesda ham, meditsinada ham, suvda ham umuman hamma sohada “bespredel” kam boʻladi. Hamma oʻzini oʻrnini bilib yuradi.
Ertaga suv qurib qolsa islohotlar ham koʻngilga sigʻmaydi. Hozir suv kamayishi tezlashgan. Yaqin yillarda ayrim hududlar choʻlga aylanib, qurgʻoqchilik kuchayib ketishi xavfi ortib boryapti. Meditsina muhimliginiku gapirmasa ham boʻladi. U yerdagi korrupsiya va sifatsiz xizmatga har birimiz doim toʻqnash kelamiz.
Bir soʻz bilan aytganda, aynan shu 5 ta sohani 5 ga bajara olishimiz shart”, – deb yozgan Allamjonov.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!