31°
Kechasi 18°
Surxondaryo viloyatining Sariosiyo tumanida 3 kishining o‘limi bilan yakunlangan YTH sodir bo‘ldi. Bu haqda viloyat YHXB matbuot xizmati xabar bergan.
Joriy yil 17-sentyabr kuni soat 03:15 larda viloyat IIB navbatchilik qismiga kelib tushgan xabarga ko‘ra, Sariosiyo tumani, “Shabnam” MFY hududidan o‘tuvchi M41 avtomobil yo‘lining 1463 kilometrida 2004-yilda tug‘ilgan, haydovchilik guvohnomasiga ega bo‘lmagan fuqaro Nexia-2 transport vositasini Denov-Sariosiyo yo‘nalishi bo‘ylab boshqarib kelib, qarama-qarshi tomondan harakatlanib kelayotgan, 2005-yilda tug‘ilgan, haydovchilik guvohnomasiga ega bo‘lmagan haydovchi boshqaruvidagi “VAZ-2107” rusumli transport vositasi bilan to‘qnashgan.
Dastlabki ma’lumotlarga ko‘ra, “VAZ-2107” rusumli avtomobil salonida bo‘lgan 3 nafar yo‘lovchi (haydovchining sinfdoshlari) vafot etgan. Bundan tashqari, ikkala avtotransport vositasidagi qolgan yo‘lovchilar tan jarohati olib tuman tibbiyot birlashmasiga murojaat qilgan.
Hozirda ushbu holat yuzasidan Sariosiyo tuman IIB tergov guruhi tomonidan jinoyat ishi qo‘zg‘atilib, tergov harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
