Yig‘ilish davomida Mazut va ko‘mir ikki yilga bojdan ozod qilinishi ham belgilandi. Shuningdek, ko‘mir importi uchun uch yil muddatga revolver kreditlar beriladi.

Shuningdek, mutasaddilar va hokimlar oldiga yaqin muddatda aholi va ijtimoiy soha uchun 1 million 200 ming tonna, yil yakunigacha yana shuncha ko‘mir yetkazib berish, 1-oktyabrgacha 600 ming tonna ko‘mir va 350 ming tonna mazut zaxirasini yaratish vazifasi qo‘yildi. Videoselektorda hozirda qator mahallalarda gaz bosimi past, yo‘qotishlar yuqori ekani ham qayd etildi. Bu mahallalardagi xonadonlarning gaz ta’minotini uch bosqichli tizimdan ikki bosqichliga o‘tkazish rejalashtirilgan.

Joriy yilning oktyabr-dekabr oylarida iste’molchilarga 163 ming tonna suyultirilgan gaz yetkazish topshirig‘i berildi.

Shuningdek, yig‘ilish davomida viloyat hokimlariga 300 dan ziyod olis mahalla uchun ko‘mir, suyultirilgan gaz va asosiy turdagi oziq-ovqat zaxirasini yaratishga topshiriq berildi.

• Mirziyoyev
• Prezident
• Videoselektor