Ayni kunlarda Turkiyaning Konya shahrida V Islom birdamligi oʻyinlari davom etmoqda.

Bugungi dasturlardan oʻrin olgan ogʻir atletika bahslari boshlandi.

-87 kg vazn toifasida Tursunoy Jabborova dast koʻtarish mashqida oltin medalga sazovor boʻldi. Ushbu yoʻnalishda kattalar oʻrtasida amaldagi jahon chempioni hisoblanmish Jabborova dastlab 102 kg, soʻng 106 kg va yakuniy urinishda 109 kg natija qayd etdi. Ahamiyatlisi, u 102 kg toshni boʻysundirganida mazkur yoʻnalishdagi oltin medal taqdiri hal boʻlib ulgurgan edi. U qayd etgan 109 kg esa musobaqaning yangi rekordi sifatida qayd etildi.

• Konya-2021
• Og‘ir atletika
• O‘zbekiston