Rossiya Federatsiyasi Prezidentining matbuot kotibi Dmitriy Peskov Armaniston bosh vaziri Nikol Pashinyanning mamlakat KXShT dan chiqib ketmoqchiligi haqidagi gaplariga izoh berdi.

Dmitriy Peskov Armanistonning Kollektiv xavfsizlik shartnomasi tashkilotidagi ishtiroki istiqbollari haqida gapirar ekan, Rossiya Federatsiyasi arman do'stlari, jumladan KXShT bilan muloqotni davom ettirishini aytdi.

"Armaniston bosh vazirining bayonotiga kelsak, u holda, albatta, arman do'stlarimiz bilan muloqotimizni davom ettiramiz. Ular bilan KXShT faoliyatida kelgusida birgalikda ishtirok etishimiz mavzusida gaplashamiz", - dedi Peskov.

Shuningdek, siyosatchi Armaniston Bosh vaziri KXShT kuchiga past baho berganini ta’kidladi.

"Umuman olganda, KXShT aʼzo davlatlar orasida oʻz nufuziga ega tashkilotdir. Ilgari turli vaziyatlarda oʻz samaradorligini koʻrsatgan tashkilot va bizning nuqtai nazarimizdan, keyingi rivojlanish uchun jiddiy salohiyatga ega tashkilot", — dedi Peskov.

• Armaniston
• KXShT