Uning klubdagi muvaffaqiyatsizligi terma jamoadagi faoliyatiga ta’sir qildi

Krishtianu Ronaldu “Manchester Yunayted”dagi samarasiz o‘yini uchun 2022-yilgi Jahon chempionati yulduzlari tushirilgan plakatlarda bo‘lmaydi.

ESPN o‘z manbalariga tayanib xabar berishicha, “Manchester Yunayted” hujumchisi JCh-2022 tashkilotchilari Doha osmono‘par binolariga joylashtiradigan plakatlar (har bir jamoadan bittadan) turnirning 32 yulduzi qatoriga kirmagan. Bu qaror Ronalduning MYUdagi mavqeini yo‘qotayotgani bilan bog‘liq.

Taxminlarga ko‘ra, Portugaliyadan afishada terma jamoadagi yosh futbolchilardan biri joylashtirilishi kutilmoqda.

O‘yinchilar vakillari va milliy assotsiatsiyalar bilan ba'zi o‘yinchilarning imidj huquqlari bo‘yicha muzokaralar davom etmoqda, biroq manbalar Neymarning Braziliyaning yuzi bo‘lishini aytishmoqda. Unda Angliyani Harri Keyn, Urugvayni Luis Suares, Xorvatiyani Luka Modrich, Senegalni Sadio Mane, Kanadani Alfonso Devis, sardori Hasan Al Xaydos esa Qatar terma jamoasining yuzi sifatida namoyon etadi.

Qayd etilganidek, Argentina terma jamoasi afishada surati tushiriladigan futbolchi borasida hali bir qarorga kelmagan.

• Futbol
• Jahon chempionati
• Portugaliya
• Ronaldu