Mo‘g‘uliston poytaxti Ulan-Bator shahrida kurash bo‘yicha yoshlar va o‘smirlar o‘rtasida IX, faxriylar o‘rtasida III jahon chempionati musobaqalari o‘z yakuniga yetdi.

Chempionatning 16-17 yoshli sportchilar o‘rtasidagi bahslarida o‘zbekistonlik polvonlar 18 ta vazn toifasida sovrinli o‘rinlarga da’vogarlik qildi.

20 dan ortiq davlatning 150 nafardan ziyod yosh sportchilari ishtirokidagi bahslar yakuniga ko‘ra, O‘zbekiston yoshlar terma jamoasi umumiy 32 ta (14 ta oltin, 13 ta kumush va 5 ta bronza) medalni qo‘lga kiritgan.

Faxriylar o‘rtasida o‘tgan jahon chempionatida mamlakatimizning faxriy polvonlari 4 ta oltin, 5 ta kumush, 1 ta bronza medaliga egalik qilishgan.

Jahon chempionati yakuniy sarhisobiga ko‘ra, 30 ta oltin, 30 ta kumush va 12 ta bronza medaliga egalik qilgan O‘zbekiston terma jamoasi umumjamoa hisobida birinchi o‘rinni egallagan bo‘lsa, Mo‘g‘uliston ikkinchi va Turkmaniston uchinchi pog‘onani band etgan.

Terma jamoa a’zolari ertaga, 9-dekabr kuni O‘zbekistonga qaytishi rejalashtirilgan.

• Jahon chempionati
• Kurash