“Bavariya” hujumchisi Robert Levandovski argentinalik futbolchiga “Oltin toʻp-2021” topshirilganidan keyin “PSJ” hujumchisi Lionel Messining soʻzlariga izoh berdi.

“Umid qilamanki, bu shunchaki soʻzlar emas, balki buyuk futbolchining samimiy izhori boʻldi”, — dedi Levandovski.

Eslatib oʻtish mumkin, shu yil yakunida Lionel Messi “Oltin toʻp”ni qoʻlga kiritgan boʻlsa, Levandovski ovoz berishda ikkinchi boʻldi. Mukofot topshirilgandan soʻng, Messi Robertga sahnada turib: “Sen “Oltin toʻp”ga loyiqsan. Oʻtgan yili bu sovrin aynan senga topshirilishi kerakligini barcha birdek tan oladi”, — degan edi.

Maʼlumot uchun, mazkur sovrin Messining faoliyatidagi yettinchi mukofoti boʻldi. “Oltin toʻp” borasida Leoning eng yaqin taʼqibchisi Krishtianu Ronaldu esa hozircha 5 ta sovringa ega boʻlib turibdi.

• Futbol
• Xorij