“PSJ” va Argentina terma jamoasi hujumchisi Lionel Messi oʻzini hech qachon Diego Maradona bilan taqqoslamasligini aytdi.

“Toʻgʻrisini aytsam, men oʻzimni hech qachon Diego bilan solishtirmaganman. Va men bu taqqoslashlarga hech qachon eʼtibor bermaganman. Oʻtmishda baʼzi tanqidlar meni bezovta qilardi. Bu terma jamoadagi unchalik muvaffaqiyatli davr emas edi, lekin bu tufayli emas”, — dedi hujumchi.

Shuningdek, futbolchi Parij klubi safidagi 30-raqami haqida gapirdi.

“Neymar menga oʻzining raqamini taklif qilishini bilardim. Menga raqam taklif qilish — bu uning aql bovar qilmaydigan jestidir. Men buni kutgandim, chunki Neymarni bilaman. Biz “Barselona”da birga oʻynadik va doʻst boʻldik. Agar Neymar 10-raqamni saqlab qolsa, adolatli boʻladi, deb qaror qildim. Shuning uchun men oʻzimga yoqqan boshqa raqamni tanladim”

“Man Siti”ga qarshi oʻyinda jonli devor ostiga yotib olishim? Buni qilish kerak edi. Biz gʻalaba qozondik va buni amalga oshiradigan hech kim yoʻq edi. Men oʻsha yerda turganim uchun yotib qoldim. Rostini aytsam, bu muhim emas. Natija uchun hammamiz nimadir qilishimiz kerak”, — degan Messi France Football nashriga bergan intervyusida.

Eslatib oʻtish mumkin, joriy yilning 29-noyabr kuni argentinalik yulduz faoliyatida 7-marta “Oltin toʻp”ni qoʻlga kiritgan boʻlsa, Levandovski ikkinchi oʻrinni egalladi. Mukofot topshirilganidan soʻng, Messi Robertning oʻtgan mavsumning eng yaxshi futbolchisi boʻlganini aytgan edi.

Maʼlumot uchun, joriy mavsum Messi PSJ safida barcha musobaqalarda 12 ta uchrashuv oʻtkazib, 4 ta gol, 3 ta golli uzatmaning muallifiga aylangan.

• Futbol
• Messi
• Xorij