Yozgi transfer oynasini passiv o‘tkazgan “Liverpul” yanvar oyida bu borada faollashish niyatida. Mersisaydiyliklar tarkibni bir vaqtning o‘zida uchta yangi o‘yinchi bilan kuchaytirmoqchi.

Britaniyaning The Sun nashri xabariga ko‘ra, “qizillar” “Inter” yarim himoyachisi Marselo Brozovich, “Torino” himoyachisi Gleyson Bremer hamda “Vilyarreal” vingeri Arno Danjumni o‘z safiga qo‘shib olishga harakat qilib ko‘radi.

Qayd etilishicha, “Liverpul” shu yo‘l bilan tarkibdagi muvozanatni saqlamoqchi, chunki qishda asosiy tarkibning bir nechta futbolchilari Afrika Millatlar Kubogiga borishiga to‘g‘ri keladi.

• APL
• Futbol