Avvalroq, 14-avgust kuni kechqurun Maxachkala chekkasida yoqilg‘i quyish shoxobchasida portlash sodir bo‘lgani haqida xabar bergan edik.

Belorusiya prezidenti Aleksandr Lukashenko Rossiya prezidenti Vladimir Putinga Maxachkaladagi yoqilg‘i quyish shoxobchasidagi portlash natijasida ko‘plab qurbonlar bo‘lganligi sababli hamdardlik bildirdi, deya xabar beradi Belarus rahbari matbuot xizmati.

“Belorusiya xalqi va o‘zim nomidan o‘lganlarning qarindoshlari va do‘stlariga samimiy hamdardlik bildiraman, barcha jabrlanganlarga tezroq shifo tilayman”– degan Lukashenko.

14-avgust kuni kechqurun Maxachkala chekkasida yoqilg‘i quyish shoxobchasi yonib ketdi, shundan so‘ng portlash sodir bo‘ldi. Rossiya favqulodda vaziyatlar vazirligi yong‘in maydoni 500 kvadrat metrni tashkil etganini ma’lum qilgan. Favqulodda vaziyatlar vazirligining so‘nggi ma’lumotlariga ko‘ra, 30 kishi halok bo‘lgan, 75 kishi jarohatlangan.

• Lukashenko
• Putin