Amerikaning Nyu-York shahrida bo‘lib o‘tayotgan Rapid va blits bo‘yicha jahon chempionatining 8-turidan so‘ng Magnus Karlsen kiyinish qoidalarini buzgani sababli 9-turga qo‘yilmagan.

“Bugun janob Magnus Karlsen uzoq yillik qoidalarga binoan taqiqlangan jinsi shim kiyib, kiyinish qoidalarini buzdi. Bosh hakam Karlsenni bu holatdan xabardor qilib, 200 dollar jarima solgan holda kiyimini almashtirishni so‘radi. Afsuski, Karlsen rad javobini bergani uchun u to‘qqizinchi turga qo‘yilmadi. Ushbu qaror xolisona qabul qilindi va barcha o‘yinchilarga birdek tatbiq etiladi” – deyiladi FIDE bayonotida.

Avvalroq, yana bir ishtirokchi Yan Nepomniachtchi ham sport poyabzali kiyib, kiyinish qoidalarini buzganligi uchun jarimaga tortilgan. Biroq u darhol bu qoidalarga bo‘ysunib, ruxsat etilgan kiyimga o‘tgan va turnirda ishtirokini davom ettirgan.

• Jahon chempionati
• Magnus Karlsen
• Shaxmat