Ikki vazn toifasida sobiq UFC chempioni, irlandiyalik Konor Makgregor rossiyalik jangchi Islom Maxachev va Braziliya vakili Charlz Oliveyra o‘rtasidagi UFC 280 turnirida yengil vazn toifasidagi chempionlik jangi haqida o‘z taxminini aytdi.

“Oliveyra yoki Islommi? Oliveyra, osonlikcha”, - deb yozdi Makgregor twitterda.

Eslatib o‘tish mumkin, Oliveyra va Maxachev UFC 280 turnirida yengil vazn toifasidagi bo‘sh bo‘lgan UFC kamari uchun jang qiladi.

Qayd etish mumkin, Oliveyra hozirda UFC yengil vazn toifasi reytingida 1-o‘rinni egallab turibdi. U UFCda ketma-ket 11 ta jangda g‘alaba qozongan va 2021-yilda Maykl Chandlerni mag‘lub etib, kamarni qo‘lga kiritganidan beri chempionlik janglarida 3:0 hisobida zafar quchgan.

Maxachev esa reytingda to‘rtinchi o‘rinni egallab, 10 ta jangdan iborat g‘alabali seriyasini davom ettirmoqda.

Ma’lumot uchun, Maxachev va Oliveyra o‘rtasidagi jang Abu-Dabida (BAA) 22-oktyabrga belgilangan UFC 280 turniri doirasida bo‘lib o‘tadi.

• UFC
• Xorij