Hozirgi axborot texnologiyalari davrida bolalar turli ijtimoiy, hissiy va ruhiy salomatlik bilan bog‘liq muammolarga duch kelmoqda.

Tahlillarga ko‘ra, maktab davridagi bolalarning 10-20 foizi ruhiy salomatlik bilan bog‘liq muammolarga uchramoqda va bunday muammolarning yarmi o‘n to‘rt yoshga to‘lgunga qadar rivojlanmoqda. Bu holat maktabdagi bolalar uchun ruhiy farovonlik masalasi naqadar dolzarbligini va muhokama qilish muhimligidan darak beradi.

Ushbu muammo yuzasidan o‘tkazilgan tadqiqotlar yuzasidan 24-oktyabr kuni Senatning Yoshlar, madaniyat va sport masalalari qo‘mitasi tashabbusi bilan Maktabgacha va maktab ta’limi vazirligi hamda UNIСEFning O‘zbekistondagi vakolatxonasi hamkorligida “Raqamli asrdagi bolalar: ijtimoiy va ruhiy farovonlik masalalari” mavzusida xalqaro konferensiyasi o‘tkazildi.

U yerda berilgan ma’lumotlarga ko‘ra, mamlakatimizda Internet foydalanuvchilarining 65 foizini 14-30 yoshdagilar tashkil etmoqda. Koferensiyada internet orqali zararli kontent tarqatilayotgani yoshlarning dunyoqarashi va xulq-atvoriga salbiy ta’sir ko‘rsatayotgani va mazkur holat jamiyatning manfaatlariga nisbatan real tahdidga aylanish mumkinligi aytildi.

Prezidentning 2023-yil 19-iyundagi qarori bilan o‘quvchilarda o‘zini o‘zi boshqarish, murakkab hayotiy vaziyatlarni yengib o‘tish ko‘nikmalarini shakllantirish, depressiya, xavotirli holatlar va suitsidlarning oldini olish bo‘yicha maxsus ijtimoiy-emotsional o‘quv soatlarini (Sosial Emotional Learning, SEL) umumiy o‘rta ta’lim muassasalarida maktab dasturidagi mavjud fanlar va darsdan tashqari jarayonlar doirasida yo‘lga qo‘yish vazifalari ham belgilandi.

Ma’lumot o‘rnida, bunday soatlar orqali o‘quvchi:
· o‘z-o‘zini anglash
· o‘zini o‘zi boshqarish
· ijtimoiy xabardorlik
· kommunikativ munosabatlar
· mas’uliyatli qarorlar qabul qilish kabi ko‘nikmalarga ega bo‘ladi.

Bu endi maktablar nafaqat to‘g‘ri yozish va hisob kitobni o‘rgatadi balki real hayotga ruhiy tayyorlaydi, degani.
Agar ushbu o‘quv mashg‘ulotlari na’munali darajada o‘tilsa va o‘zlashtirilsa bolalar shaxsiyati tez rivojlanadi, his-tuyg‘ularni boshqarib shaxsiy va jamoaviy maqsadlar amalga oshiradigan hamda kasbiy, akademik darajaga tezroq chiqa oladigan bo‘lishadi.

“SEL” dasturiy yo‘nalishi chet el davlatlarining ta’lim tizimida allaqachon ishga tushirilgan va ko‘plab video, rasm, kitob ko‘rinishidagi qo‘llanmalarga ega.

• Maktab
• Qaror
• Sel