Oʻzbekistonda endi abituriyentlarning maktabdagi baholari oliy taʼlim muassasalariga kirishda hisobga olinadi.
Bu Hukumat qarori bilan tasdiqlangan Taʼlim tashkilotlari bitiruvchilari baholarining oʻrtacha koʻrsatkichini hisoblash va uni oliy taʼlim tashkilotlariga kirish imtihonlarida inobatga olish tartibi toʻgʻrisidagi nizomda belgilab qoʻyildi.
Nizomga muvofiq, maktab bitiruvchilarining shahodatnomasidagi 11 yillik taʼlimning soʻnggi 6 yillik baholari OTMga kirishdagi balga qoʻshiladi. Baholar elektron platformalar orqali hisoblanadi va DTMning “ABITUR” dasturiga yuboriladi.
Baholarning oʻrtacha koʻrsatkichi 6–11-sinflardagi yoki 6–9-sinflar va 1–2-bosqichlardagi yillik baholarning umumiy yigʻindisini oʻqitilgan fanlarga boʻlish orqali chiqariladi.
Maksimal ball 100 foiz deb olinadi va ballar baho tizimiga quyidagicha oʻtkaziladi:
86–100 foiz uchun – 5 baho;
71–85 foiz – 4 baho;
56–70 foiz – 3 baho va 56 foizgacha – 2 baho.
Ushbu tartib 2022/2023-oʻquv yilidan qoʻllaniladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!