Poytaxtni va ba'zi viloyatlarni tuman qoplaganligi sababli "O‘zgidromet" muhim ma'lumot bilan chiqdi

Maxsus komissiya topshirig‘iga muvofiq, aholini atmosfera havosining holati haqida operativ axborot bilan ta’minlash maqsadida O‘zgidromet quyidagilarni ma’lum qiladi:

➡️ Ayni damda poytaxtimizni va ba’zi viloyatlarni tuman qamrab olmoqda. Bu haqida prognozda ma’lumot berib o‘tilgan edi;

➡️Tuman hodisasi sababli mayda dispers zarrachalar (PM2,5, PM10) ko‘rsatkichlari oshishi kuzatilishi mumkin.

Diqqat! Tuman hodisasi paydo bo‘lishiga yurtimizga kirib kelgan sovuq va nam havo massalari sabab bo‘lgan. O‘zgidromet 10-dekabrga kelib butun respublikada havo harorati pasayishi haqida xabar bergan edi.

Shuningdek, ta’kidlash lozimki, respublika hududidagi chang zarrachalarining taxminan 55–60 foizi tashqi hududlardan kirib keladi. Oxirgi kunlarda shamol tezligi past bo‘lgani, shuningdek inversiya jarayonlarining shakllangani hamda hozirda tuman hodisasi kuzatilayotgani tufayli ushbu chang zarrachalari havo qatlamlarida turib qolmoqda va tarqalib ketishi qiyinlashmoqda.

• Ob-havo
• O‘zgidromet