“O‘zbekiston elchixonasida Malayziyaning “Aquila Emas” media kompaniyasi direktori Sharizan Isa bilan uchrashuv bo‘lib o‘tdi”, – deb xabar qilmoqda “Dunyo” axborot agentligi.

Sharizan Isa Malayziya va O‘zbekiston kinoijodkorlari ishtirokida Imom Buxoriy hayoti va ilmiy-ma’naviy merosiga bag‘ishlangan ingliz tilida badiiy film va serial suratga olish rejalarini ma’lum qilgan.

“Film ssenariysini ishlab chiqish maqsadida Imom Buxoriy hayoti va ijodiga tegishli ilmiy asoslangan ma’lumotlarni yig‘ish va soha ekspertlari bilan kelishishni maqsad qilganmiz”, – degan u.

Mazkur loyihani amalga oshirish maqsadida “Aquila Emas” media kompaniya vakillarining joriy yil iyun oyida O‘zbekistonga ijodiy safarini tashkil etish bo‘yicha kelishuvga erishilgan.

• Hamkorlik
• Imom Buxoriy
• Kino
• Malayziya
• O‘zbekiston