Kecha, 26-aprel oqshomida Yevropaning grand klublari turli musobaqalar doirasida oʻz oʻyinlarini oʻtkazishdi.

“Manchester Siti” oʻz maydonida “Arsenal”ni qabul qilib, 4:1 hisobida gʻalaba qozondi. Uchrashuvda gollarga Kevin De Bryuyne, Jon Stounz va Erling Xoland mualliflik qilishdi. “Kanonirlar” safida esa yagona gol Rob Holding tomonidan kiritildi.

“Arsenal” ushbu magʻlubiyatdan soʻng 75 ochko bilan musobaqa yetakchiligini saqlab qoldi. Biroq 2 ta oʻyin zaxirasida bor boʻlgan “Manchester Siti” ochkolarini 73 taga yetkazib, peshqadamni quvishda davom etmoqda.

“Manchester Siti” – “Arsenal” 4:1

Gollar: 1:0 – 7ʼ De Bryuyne, 2:0 – 45ʼ Stounz, 3:0 – 54ʼ De Bryuyne, 3:1 – 86ʼ Holding, 4:1 – 90 Xoland.

Tur doirasida oʻtgan yana ikkita bellashuvning birida “Liverpul” “Vest Hem”ni 2:1 hisobida magʻlub etgan boʻlsa, ikkinchisida “Chelsi” “Brentford”ni qabul qildi va 0:2 hisobida imkoniyatni boy berdi.

“Vest Hem” – “Liverpul” 1:2

Gollar: 1:0 – 12ʼ Lukas Paketa, 1:1 – 18ʼ Gakpo, 1:2 – 67ʼ Matip.

“Chelsi” – “Brentford” 0:2

Gollar: 0:1 – 37ʼ Aspilikueta (avtogol), 0:2 – 78ʼ Mbemo.

Italiya Kubogining yarim finali ikkinchi oʻyinida “Inter” va “Yuventus” jamoalari ikkinchi oʻyinda maydonga tushishdi. Unda milanliklar dastlabki daqiqalarda Federiko Dimarko tomonidan urilgan gol evaziga finalga yoʻl oldi. Birinchi bahsda 1:1 hisobi qayd etilgan edi.

“Inter” – “Yuventus” 1:0

Gol: 1:0 – 15ʼ Dimarko.

Ispaniya La Ligasining 31-turida “Barselona” “Rayo Valyekano” mehmoni boʻldi va 1:2 hisobida imkoniyatni boy berdi.

Xavi shogirdlari 76 ochko bilan musobaqa peshqadami boʻlib turgan boʻlsa, “Rayo Valyekano” ochkolarini 43 taga yetkazgan holda 9-oʻringa koʻtarilib oldi.

“Rayo Valyekano” – “Barselona” 2:1

Gollar: 1:0 – 19ʼ Garsiya, 2:0 – 53ʼ Garsiya, 2:1 – 83ʼ Levandovski.

• Barselona
• Futbol
• Manchester Siti
• Yevropa