Klub ham, murabbiy Erik ten Xag ham portugaliyalik futbolchining bu hafta “Manchester Yunayted” bilan mashgʻulot oʻtkazish yo oʻtkazmasligini bilmaydi.

Shuningdek, Ronalduning “Manchester Yunayted”ning Tailand va Avstraliya boʻylab mavsumoldi yigʻinda ishtirok etishi ham nomaʼlum, deb yozadi ESPN oʻz manbalariga tayanib.

MYU 12-iyul kuni Bangkokda mavsumoldi birinchi oʻrtoqlik uchrashuvini oʻtkazadi. Erik ten Xag shogirdlari “Liverpul”ga qarshi bahs olib boradi.

Xorijiy futbolchilar dushanba kuni “Manchester Yunayted”ga kelishlari kerak edi, biroq Ronaldu oilaviy sharoitni bahona qilib klub qarorgohiga kelmagan.

Shuningdek, Krishtianu mavsumoldi tayyorgarlikning kunini ketma-ket ikkinchi kunini ham oʻtkazib yuborishi maʼlum boʻlgan.

Kecha 37 yoshli hujumchi Lissabonda edi. U Portugaliya terma jamoasi mashgʻulotlar majmuasiga tashrif buyurgan.

Maʼlumot uchun, oʻtgan mavsumda hujumchi “Manchester Yunayted” safida barcha turnirlarda 39 ta oʻyinda maydonga tushib, 24 ta gol urdi va 3 ta golli uzatmani amalga oshirdi.

• Futbol
• Ronaldu
• Xorij