Latviya poytaxti Riga shahrida nufuzli marafon musobaqalaridan biri boʻlib oʻtdi. 

76 mamlakatdan tashrif buyurgan sportchilar orasida hamyurtimiz Marina Xmelevskaya kumush medalga sazovor boʻldi.

Oʻzbekiston yengil atletika federatsiyasining maʼlum qilishicha, bu mamlakatimiz tarixida ayollar marafonidagi ikkinchi yuqori natija sifatida qayd etildi. Soʻnggi bor 1984-yil Litvada oʻtgan Sobiq Ittifoq miqyosidagi musobaqada Nadiya Usmanova 2:30:36 vaqt bilan oʻzbekistonlik marafonchi qizlar rekordini oʻrnatgan edi.

Marina Latviyadagi musobaqada 2:33:19 ichida marraga yetib kelgan. Qayd etish joiz, hamyurtimiz poyga davomida mazkur yoʻnalishda yetakchi hisoblanuvchi Afrika, Amerika, shuningdek, yevropalik raqibalarini ortda qoldirishga muvaffaq boʻldi. Atletimiz faqatgina efiopiyalik sportchidan pastroq natija koʻrsatdi.

“Rimi Riga Marathon-2022”, ayollar:
1. Mekuriya Zennebe (Efiopiya) – 2:30:53
2. Marina Xmelevskaya (Oʻzbekiston) – 2:33:19
3. Aynelem Kasaxun (Efiopiya) – 2:38:21

• Latviya
• Marafon
• O‘zbekiston
• Yengil atletika