Bugun.uz manbasiga koʻra, Markaziy bankning Buxoro viloyati boshqarmasi boshligʻi Mansurov Erkin Muxtorovichga nisbatan qamoqqa olish tarzidagi ehtiyot chorasi qoʻllanilgan. Unga nisbatan oʻzlashtirish yoki rastrata yoʻli bilan talon-toroj qilish hamda mansab soxtakorligi moddalari boʻyicha jinoyat ishi qoʻzgʻatilgan.

Manbaning maʼlum qilishicha, Erkin Mansurov Jinoiy guruhlar bilan til biriktirib, noqonuniy kredit ajratishga yordam bergan va juda katta miqdorda – 20 million dollardan ortiq pul mablagʻlarini oʻzlashtirishda ishtirok etgan.

U 2012-yildan 2021-yilgacha “Ipoteka-bank” aksiyadorlik tijorat bankining Buxoro viloyati filiali boshqaruvchisi lavozimida ishlab kelgan. 2021-yilda Markaziy bank Buxoro viloyati bosh boshqarmasi boshligʻi lavozimiga tayinlangan.

• Buxoro
• Jinoyat
• Markaziy bank