Prezident tomonidan dunyodagi hozirgi murakkab sharoitda ochiq va pragmatik, o‘zaro ishonch va hurmatga asoslangan tashqi siyosat izchil davom ettirilishi ta’kidlandi.

Bundan keyin ham asosiy e’tibor Markaziy Osiyodagi barcha qo‘shni mamlakatlar va dunyodagi O‘zbekistonning strategik sheriklari bo‘lgan davlatlar, xalqaro tashkilotlar bilan ko‘p qirrali va o‘zaro manfaatli hamkorlikni kuchaytirishga qaratilishi qo‘shimcha qilindi.

Milliy xavfsizlikni ta’minlash, Qurolli Kuchlar jangovar salohiyatini oshirish borasidagi ishlar yangi bosqichga olib chiqiladi.

"Biz jamiyatimizda har qanday radikallashuvga, yoshlarimiz ongini buzg‘unchi yot g‘oyalar bilan zaharlashga, dindan siyosiy maqsadlarda foydalanishga, ma’rifat o‘rnini jaholat egallashiga yo‘l qo‘ymaymiz", - dedi Prezident.

• Milliy gvardiya
• Prezident
• Qurolli Kuchlar
• Shavkat Mirziyoyev