Amerikalik tadbirkor va Twitter’ning egasi Ilon Mask kompaniyaning yangi bosh direktorini “tayinladi” va bu “uchrashuv”ni ijtimoiy tarmoqdagi sahifasida itning suratlari bilan tasvirlab berdi.

"Twitterning yangi bosh direktori ajoyib... Bu boshqa yigitlardan ancha yaxshi! U raqamlarni yaxshi biladi!" —deb yozadi Mask Twitterda joylashtirgan itning surati ostidagi izohda.

Shuningdek, suratda - Shiba Inu zotining iti, uning oldida stolda - qog'ozlar, ularning ustida - panjasi ko'rinishidagi "muhr" va Floki "ism" yozilganini ko‘rish mumkin.

"U bu ish uchun juda mos", - deya qo'shimcha qildi Mask.

O‘tgan yilning dekabr oyi oxirida Ilon Maskdan Twitter bosh direktori lavozimidan ketishini so‘rashgandi. U esa bunga javoban, “yetarlicha ahmoq odamni” topgach, kompaniya bosh direktori lavozimini tark etishini e’lon qilgan edi. O‘shanda CNBC Maskning Twitter uchun yangi bosh direktorni faol izlayotgani haqida xabar bergan edi.

Ma’lumot uchun, Ilon Mask Shiba Inu zotidan ushbu Floki ismli kuchukchani 2021-yil sentabr oyida boqib olan edi.

Amerika kompaniyasi Twitter Inc. 2006-yilda tashkil etilgan. Kompaniyaning asosiy mahsuloti - bu qisqa xabarlar almashish uchun ijtimoiy tarmoq. Bosh ofisi Kaliforniyaning San-Fransisko shahrida joylashgan.

• Ilon_Mask
• Twitter