AQSh Hukumat samaradorligi departamenti rahbari va Donald Trampning eng yaqin maslahatchilaridan biri Ilon Mask mamlakat hukumati tomonidan moliyalashtiriladigan “Amerika ovozi” va “Ozodlik radiosi” faoliyatini tugatishga chaqirgan. Bu haqda u o‘zining X ijtimoiy tarmog‘idagi sahifasida ma’lum qildi.

“Ha, ularni yoping! Yevropa allaqachon ozod. Shunday emasmi? Ularni hech kim eshitmaydi”, – degan Mask.

Bularning barchasi o‘zaro suhbat qilayotgan, shu bilan birga soliq to‘lovchilarning yiliga bir milliard dollarini “yoqib yuborayotgan g‘alati chap radikallar”, – deb yozgan u Trampning tarafdoridan biri Richard Grenell boshlagan munozarada qatnashib.

Trampning maxsus topshiriqlar bo‘yicha vakili Grenell ushbu radiostansiyalarni o‘ta chap kun tartibini ilgari surishda ayblab, bu “o‘tmish qoldiqlari”ni yopish vaqti kelmadimi, degan savolni o‘rtaga tashlagan edi.

Hozircha mamlakat rasmiylarining hech biri Maskning bayonotlariga izoh bergani yo‘q. Lekin, DOGE rahbarining USAID (AQSh Xalqaro taraqqiyot agentligi)ni yopish haqidagi chaqiriqlari Tramp ma’muriyati tomonidan qo‘llab-quvvatlangan edi.

• AQSh
• Ilon_Mask
• Ozodlik radiosi