Gruziya Sog‘liqni saqlash vazirligi mamlakatda maymunchechak infeksiyasining birinchi holatini tasdiqladi.

“Bemorda virusli kasallikning yengil shakli bo‘lgan va tegishli davolanish kursidan o‘tib, tez orada tibbiyot muassasasini tark etgan”, – deyiladi Respublika Sog‘liqni saqlash vazirligining Kasalliklarni nazorat qilish va jamoat salomatligini muhofaza qilish milliy markazi xabarida.

Agentlik maʼlumotlariga koʻra, bemor Yevropa boʻylab sayohat qilib, Gruziyaga qaytgan.

Avvalroq Jahon sog‘liqni saqlash tashkiloti maymunchechak tarqalishining global xavfini baholash uchun favqulodda qo‘mitani chaqirishi ma’lum bo‘lgan edi. Uchrashuv joriy yil 23-iyunga belgilangan.

Ma’lumot uchun, maymun poxi kamdan-kam uchraydigan virusli infeksiya bo‘lib, u odamlarga ham yuqishi mumkin. Jahon sog‘liqni saqlash tashkiloti (JSST) ma’lumotlariga ko‘ra, hozirgacha dunyo bo‘ylab 39 mamlakatda maymunchechakning 1600 dan ortiq holatlari qayd etilgan.

Infeksiya holatlari, xususan, Avstraliya, Belgiya, Germaniya, Buyuk Britaniya, Ispaniya, Kanada, Italiya, Portugaliya, Fransiya, AQSh, Shvetsiya, Shveysariya, Marokash, Braziliya, Latviya va boshqa mamlakatlarda kuzatilgan.

• Gruziya
• JSST
• Jahon
• Maymunchechak