PSJ bosh murabbiyi Maurisio Pochettino mavsum yakunida jamoani tark etadi. Bu haqda fransuz jurnalisti Romain Molina oʻzining ijtimoiy tarmoqlarida maʼlum qilgan.

Pochettino oʻrniga nomzodlar orasida “Real”ning sobiq bosh murabbiyi Zinedin Zidan ham bor, u uzoq vaqtdan beri PSJ varianti bilan qiziqib yuribdi.

Ammo ayni paytda fransiyalik mutaxassisning jamoani boshqarishi ehtimoli unchalik katta emas, chunki klub muqobil variantlarni ham koʻrib chiqmoqda.

Eslatib oʻtish mumkin, Pochettino PSJni 2020-yilning qishida Tomas Tuxel isteʼfoga chiqarilganidan keyin qabul qilib olgan edi.

Argentinalik murabbiy jamoani chempionatda gʻalabaga olib chiqdi va oʻtgan mavsumda u klub bilan Chempionlar ligasining yarim finaliga qadar yetib bordi.

• Futbol
• Xorij