MDH davlatlari rahbarlari Sankt-Peterburgdagi norasmiy sammitda Hamdo‘stlik ramzlari tushirilgan uzuklarni Yangi yil sovg‘asi sifatida olishdi.

Aniqlanishicha, maxsus sovg‘a Lukashenkoning qo‘lida sezilib qolgan.

Ma’lum bo‘lishicha, MDH davlat rahbarlarining norasmiy uchrashuvi uchun to‘qqizta klub uzuklari maxsus tayyorlangan. Ularda “Yangi yil bilan tabriklaymiz” yozuvi tushirilgan.

Chop etilgan suratda MDH ramzlari tushirilgan uzuk tasviri aks etgan. Shuningdek, sovg‘ani sammitda ishtirok etgan barcha yetakchilar olgani aytilmoqda.

Ma’lumot uchun, 26-27-dekabr kunlari Rossiya yetakchisi Vladimir Putin tashabbusi bilan Sankt-Peterburgda MDH davlat rahbarlarining norasmiy uchrashuvi bo‘lib o‘tadi.

Unda Ozarbayjon Prezidenti Ilhom Aliyev, Belarus Prezidenti Aleksandr Lukashenko, Qozog‘iston Prezidenti Qosim-Jomart To'qayev, Tojikiston Prezidenti Emomali Rahmon, Turkmaniston Serdar Berdimuhamedov, Qirg‘iziston Sadir Japarov, O‘zbekiston Prezidenti Shavkat Mirziyoyev va Armaniston Bosh vaziri Nikol Pashinyan ishtirok etmoqda.

• MDH
• Putin
• Rossiya