Bu yil sayyoramizning juda koʻp mintaqalarida qahraton sovuq har yilgidan ham kuchliroq boʻldi, desak mubolagʻa boʻlmaydi.

Mutaxassislarning maʼlum qilishicha, Meksikada shu kunlarda harorat bir darajagacha tushib ketishi mumkin.

Gap shundaki, haroratning 1 darajaga tushib ketishi meksikaliklar uchun avval kuzatilmagan anomal ob-havo holati hisoblanadi.

Bundan tashqari, mamlakatning ayrim hududlarida muzlagan yomgʻir yogʻadi, deb xabar bergan “Rossiya 24”. Taʼkidlanishicha, Meksika hukumati muhtojlarga issiq ovqat va koʻrpa-toʻshaklar tarqatishni boshlagan.

Shaharliklarga imkon qadar uyda qolish, issiqroq kiyinish va dastlabki shamollash alomatlari kuzatilsa shifokorlarga murojaat qilish tavsiya qilinmoqda.

Shuningdek, Meksikaning shimolida kuzatilayotgan sovuq tufayli hozirgacha kamida 26 kishi vafot etgani, 70 kishi isinish jarayonida is gazidan zaharlangani yoki kuyish jarohatini olgani aytilmoqda.

• Anomal sovuq
• Meksika