Messi Chempionlar ligasida 40 ta jamoaga gol urdi. Bu rekord. Ronaldu esa 38 ta klub darvozasiga to‘p kiritgan.

Lionel Messi Chempionlar ligasida gol urgan jamoalar ro‘yxatiga Benfika ham qo‘shildi.

5-oktyabr oqshomida argentinalik hujumchi “Benfika” darvozasiga gol kiritdi (1:1). Bu orqali Messining Chempionlar ligasida gol urgan jamoalari soni 40 taga yetdi.

Messi o‘z rekordini yangiladi. Uning eng yaqin ta’qibchisi esa 38 ta klubga gol urgan hujumchi Krishtianu Ronaldu bo‘lib turibdi.

O‘z navbatida, Messi jarima maydonchasi tashqarisidan urilgan gollar soni bo‘yicha Krishtianu Ronalduga tenglashdi.

PSJ hujumchisi Chempionlar ligasida jarima maydoni tashqarisidan o‘zining 22-golini kiritdi.

Qayd etish mumkin, portugaliyalik futbolchi jarima zarbasidan 12 ta gol urgan va 10 bor maydondan to‘p kiritgan bo‘lsa, argentinalik futbolchi 5 marotaba jarima zarbasidan, 17 marta esa maydondan gol kiritgan.

Shuningdek, Messi guruh bosqichi doirasidagi 83 ta o‘yinda o‘zining 77-goli urishga muvaffaq bo‘ldi.

• Futbol
• Messi
• Ronaldu
• YeChL