31°
Kechasi 18°
Lionel Messi, Krishtianu Ronaldu va Neymar “Forbes” talqiniga ko‘ra 2022-yilning eng ko‘p maosh oluvchi sportchilari o‘ntaligiga kirdi.
Leo Messi maydonda aql bovar qilmac mavsum o‘tkazdi va ushbu muvaffaqiyatining samarasini ko‘rmoqda. “Forbes” ma’lumotlariga ko‘ra, o‘tgan yili aynan Leo eng ko‘p daromad olgan sportchi bo‘ldi. Argentinalik futbolchi 108 million funt sterling bilan basketbol afsonasi Lebron Jeymsni ortda qoldirdi.
PSJ safida Messi haftasiga 1,2 million yevro maosh oladi va “Adidas”, “Budweiser”, “PepsiCo” va “Hard Rock International” bilan shartnoma itmzolagan. Argentinalik futbolchi maydondan tashqarida 45 million yevro ishlab topgan.
Leoning azaliy raqibi Krishtianu Ronaldu faoliyatidagi eng qiyin davrni boshdan kechirmoqda. O‘tgan mavsum yakunida “Manchester Yunayted” Chempionlar ligasiga chiqa olmaganidan keyin uning maoshi qisqartirildi va klub bu mavsumda u bilan tuzilgan shartnomani bekor qildi.
2022-yilda maoshi kamaygani va sportda muvaffaqiyat qozona olmaganiga qaramay, Krishtianu Ronaldu 96 million funt sterling ishlab topdi. “Nike”, “Herbalife” va “Clear Shampoo” bilan homiylik shartnomalari, shuningdek, uning Instagram’dagi reklama narxi unga maydondan tashqarida 46 million funt ishlab topishga yordam berdi. Biroq portugaliyalik yulduz 2023-yilda eng ko‘p pul ishlab topgan sportchi bo‘lishi hozirdanoq aniq. Chunki 37 yoshli futbolchi Saudiyaning “Al-Nasr” klubida yiliga 200 mln yevro maosh oladi.
O‘tgan yili taniqli basketbol yulduzi Lebron Jeyms 101 million funt, Neymar 79 million funt va boshqa bir basketbol yulduzi Stiven Karri 77 million funt sterling ishlab oldi, Leo va Krishtianu bilan birgalikda ular “Forbes”ning top-beshligidan o‘rin oldi.
Basketbolchi Kevin Dyurant (77 million funt), tennis afsonasi Rojer Federer (75 million funt), meksikalik bokschi Kanelo Alvares (75 million funt), amerikacha futbol ramzi – Tom Breydi (70 million funt) va gresiyalik basketbolchi Yannis Adetokumbo (67 million funt) kuchli o‘nlikda qayd etilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
