Facebook va Instagram ijtimoiy tarmoqlari tegishli bo‘lgan Meta kompaniyasi o‘z messenjerlarida xabarlarni ikki taraflama shifrlashni 2023-yilga qadar joriy etmaydi.

Mark Sukerbergning rejasiga ko‘ra, shifrlash shu orada amalga oshirilishi kerak edi, biroq bolalarni himoya qiluvchi turli tashkilotlar buni orqaga surishni talab qilgan. Xususan, Britaniya bolalar bilan shafqatsiz munosabatdan ogohlantirish milliy tashkilotining ta’kidlashiga ko‘ra, bu yomon niyatdagi shaxslarga qo‘l keladi. Chunki bunday holatda  platformalarda ham, huquq-targ‘ibot organlarida ham xabarlarni ko‘rish imkoniyati bo‘lmaydi, xabarlar faqat ikki odamdagina ko‘rinadi xolos.

Avvalroq bu jarayon 2022-yildan ishga tushishi e’lon qilingandi, ammo Meta o‘z rejalarini 2023-yilga qoldirishga majbur bo‘ldi.

Ma’lumot uchun, ikki taraflama shifrlash WhatsApp messenjerida ishga tushgan, Facebook'ning messenjerida esa audio- va videoqo‘ng‘iroqlarni shifrlash joriy etilgan.

• Meta
• texnologiya