“Rossonerilar” London klubi vingerini nishonga olgan.

“Milan” “Chelsi” yarim himoyachisi Hakim Ziyeshni qo‘lga kiritish ustida ishlamoqda.

Sky Sport Italia xabariga ko‘ra, Italiya klubi 29 yoshli futbolchini o‘z safiga qo‘shib olishiga ishonmoqda. Endi “Milan” va “Chelsi” barcha tomonlarga mos keladigan transfer formulasini qidirmoqda.

So‘nggi paytlarda klublar Ziyeshning transferi borasida yana aloqaga chiqishdi. Kelishuvni tashkil qilish uchun vaqt kerak bo‘ladi, ammo “Milan” shartnomaning muvaffaqiyatiga ishonchi komil.

Oldinroq “rossonerilar” Hakimni ijaraga olmoqchi ekani haqida xabarlar tarqalgan edi. Qanot vingerining “Chelsi” bilan shartnomasi 2025-yilning yoziga qadar mo‘ljallangan.

Ma’lumot o‘rnida, marokashlik futbolchi o‘tgan mavsumda “Chelsi” safida 44 ta o‘yinda maydonga tushib, 8 ta gol urdi va 6 ta golli uzatmani amalga oshirdi.

• Chelsi
• Futbol
• Milan
• Transferlar