Rossiya va Belarusga nisbatan misli ko‘rilmagan tashqi bosim ularni birlashish jarayonlarini tezlashtirishga undamoqda. Bu haqda Rossiya Federatsiyasi prezidenti Vladimir Putin, 1-iyul kuni Rossiya va Belarus mintaqalari forumida aytib o‘tdi.

Putinning gaplariga ko‘ra, “Kollektiv G‘arb” deb ataluvchi davlatlar tomonidan bo‘layotgan tashqi bosim bu jarayonni tezlatishga undamoqda.

“Kollektiv G‘arb” deb ataluvchi davlatlar tomonidan misli ko‘rilmagan siyosiy sanksiyalar bosimi bizni birlashish jarayonlarini tezlashtirishga undamoqda”, – degan u.

Shuningdek, Rossiya rahbari oʻz murojaatida Moskva va Minsk jahon bozorlariga oʻgʻit va oziq-ovqat yetkazib berish boʻyicha hamkorlikni rivojlantirishini ta‘kidladi.

“Yaqinda Aleksandr Grigoryevich (Lukashenko) bilan Sankt-Peterburgda boʻlib oʻtgan uchrashuvda biz ushbu masalani, jumladan, Belarus tovarlarini tashqi bozorlarga eksport qilish uchun Boltiqboʻyidagi Rossiya port terminalining yuk tashish imkoniyatlaridan foydalanish boʻyicha kelishuvni ham atroflicha muhokama qildik”, – deydi Putin.

• Jahon
• Minsk
• Putin
• Rossiya