Bugun, 18-avgust kuni soat 09:40 da Toshkent shahar Mirzo Ulug‘bek tumani Qori-Niyoziy ko‘chasida joylashgan 8 qavatli uyning 5-qavatida yong‘in ro‘y bergan. Ushbu holat to‘g‘risida shahar Favqulodda vaziyatlar boshqarmasiga xabar kelib tushgan.

Shunga ko‘ra 3 ta yong‘in-qutqaruv ekipaji voqea joyiga soat 09:45 da yetib borgan va soat 09:58 da yong‘in o‘chirilgan.

Baxtsiz hodisa natijasida xonadonning ayvon (balkon) qismini taxminan 18-20 kv.m maydonda ichki, shift qismi va uy-jihozlari yonib, zararlangan. Qutqaruvchilarning tezkor harakatlari natijasida yong‘in qo‘shni xonadaonlarga o‘tib ketishning oldi olingan.

Yong‘in oqibatida fuqarolarning tan jarohati olish va halok bo‘lish xolatlari bo‘lmagan.

Hozirda yong‘inning kelib chiqish sababi va keltirilgan moddiy zarar miqdori aniqlanmoqda.

Shuningdek, bugun soat 01:57 da Toshkent shahar Yashnobod tumani “Vatandosh” MFY Tuzel 2-dahasida joylashgan ko‘p qavatli uyning 1-qavatida atir-upa savdo do‘konining 35 kv.m va uniga tutash bo‘lgan 2 ta MCHJning 15 kv.m maydonida ofis uchun mo‘ljallangan xona jihozlari yonib, zararlangan.

Yong‘inni bartaraf etishga 4 ta yong‘in-qutqaruv ekipaji va 1 ta avtonarvon jalb etilgan. Ekipajlar hodisa joyiga soat 01:59 da yetib borgan va yong‘in soat 02:10 da o‘chirilgan.

Qutqaruvchilarning tezkor harakatlari natijasida savdo do‘konining 60 kv.m. maydoni hamda MCHJlarning 90 kv.m. maydoni yong‘indan saqlab qolingan.

Yong‘in oqibatida fuqarolarning tan jarohati olish va halok bo‘lish xolatlari bo‘lmagan.

Hozirda yong‘inning kelib chiqish sababi va keltirilgan moddiy zarar miqdori aniqlanmoqda.

• FVV
• Mirzo Ulug‘bek
• yong‘in