25-sentyabr kuni Vena shahridagi “Ernst Xappel” stadionida UEFA Millatlar ligasi “A” ligasi 1-guruhi 6-tur uchrashuvi doirasida Avstriya va Xorvatiya terma jamoalari toʻqnash kelishdi.
Unda Xorvatiya 3:1 hisobidagi gʻalabaga erishdi va terma jamoaning gollaridan biriga Luka Modrich mualliflik qildi.
Bu gol xorvatga oʻz mamlakati terma jamoasi safida tarixiy natija qayd etish imkonini berdi.
Gap shundaki, Modrich Xorvatiya terma jamoasi safida gol urgan tarixidagi eng keksa futbolchiga aylandi.
Yarim himoyachi 37 yoshu 16 kunligida raqib darvozasini ishgʻol etdi. Oldingi yosh rekordi Niko Kovachga tegishli boʻlib, u 36 yoshu 327 kunligida gol urgan.
Qayd etish mumkin, Xorvatiya terma jamoasining kechagi oʻyindagi qolgan ikkita goliga Marko Livaya va Deyan Lovren mualliflik qilishdi. Avstriyaliklar safida Kristof Baumgartner mezbonlar uchun yagona boʻlgan golni urdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!