Moldovada O‘zbekiston fuqarosi ushlandi. U terrorizmda ayblanmoqda. Ilgari qotillik qilishga urinib, qamoq jazosini o‘tagan erkak O‘zbekistonga ekstraditsiya qilinishi kutilmoqda.

Moldova poytaxti Kishinyov shahrida huquq-tartibot idoralari O‘zbekiston va AQSHda xalqaro qidiruvga berilgan o‘zbekistonlik erkakni qo‘lga oldi.

Gumonlanuvchi xalqaro ekstremistik tashkilotlarning yuqori martabali a’zosi ekani taxmin qilinmoqda. U terrorchilik jinoyatlarini sodir etishda ayblangan.

Erkak ilgari ham Moldova hududida qasddan odam o‘ldirishga suiqasd qilish jinoyatini sodir etganlikda ayblanib, jazo muddatini o‘tagan.

Ayni damda huquq-tartibot idoralari xodimlari erkakni hibsga olib, O‘zbekistonga ekstraditsiya qilish masalasini ko‘rib chiqmoqda.

• AQSh
• Moldova
• Terrorizm