Joriy yilda respublika miqyosida o‘tkazilgan ma’naviy-ma’rifiy sohadagi “Eng namunali vazirlik va idora” tanlovida Mudofaa vazirligi 96,9 ball bilan faxrli birinchi o‘rinni qo‘lga kiritdi.
Bu haqda vazirlik Matbuot xizmati Xabardor.uz’ga ma’lum qilmoqda.
Bugun, Respublika Ma’naviyat va ma’rifat markazida tanlov g‘oliblarini taqdirlash marosimi bo‘lib o‘tdi.
Tadbirda qayd etilishicha, tanlovga ma’naviy-ma’rifiy ishlarni tizimli yo‘lga qo‘ygan, bu borada yuqori samaradorlikka erishgan 20 ta vazirlik va idoradan ariza qabul qilingan. Gʻoliblikka da’vogarlarning faoliyati esa Prezident adminstratsiyasi, Vazirlar Mahkamasi, Respublika Ma’naviyat va ma’rifat markazi mas’ul xodimlaridan iborat ishchi guruh tomonidan joylarga chiqib, nizomda belgilangan mezonlar asosida o‘rganilgan.
Tadbirda “Eng namunali vazirlik va idora” tanlovida peshqadamlik qilgan Mudofaa vazirligiga Prezident sovg‘asi — Damas rusumli avtomashina hamda 15 million so‘mlik kitoblar to‘plami topshirildi.
Sovg‘alarni mudofaa vazirining Tarbiyaviy va mafkuraviy ishlar bo‘yicha o‘rinbosari polkovnik Hamdam Qarshiyev qabul qilib oldi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!