“Manchester Yunayted” PSJ qiziqish bildirayotganiga qaramay, Markus Reshfordni qoʻyib yuborish niyatida emas.

ESPN oʻz manbalariga tayanib xabar berishicha, “Manchester Yunayted” hujumchi atrofidagilarning Fransiya klubi bilan aloqalari haqida bilib, PSJni oʻzini bunday tutish kerak emasligi haqida ogohlantirgan.

“Qizil iblislar” Reshford boʻyicha takliflarni hatto koʻrib chiqmoqchi ham emas.

Qayd etilishicha, parijliklar hujumchini taxminan 60 million funtga baholamoqda. “Manchester Yunayted” uni 120 million funt sterlingdan qimmatroq deb hisoblamoqda.

Markusning klub bilan amaldagi shartnomasi muddati 2023-yilgacha moʻljallangan va u kelishuvni yana bir mavsumga uzaytirish imkoniyatiga ega.

Maʼlum qilinishicha, “Manchester Yunayted” hujumchi bilan yangi shartnoma imzolamoqchi.

Jamoa bosh murabbiyi Erik Ten Xag esa Reshfordga ishonishini tasdiqladi.

“U juda muhim. Klubdagi birinchi kunimdan men undan juda mamnunman. Men uni yoʻqotishni xohlamayman. U, albatta, “Manchester Yunayted”ning rejalaridan oʻrin olgan”, – dedi Ten Xag.

• Futbol
• Manchester Yunayted
• Transferlar