“Manchester Yunayted” bosh murabbiyi Erik Ten Xag yaqinda “Rayo Valyekano”ga qarshi oʻtkazilgan oʻrtoqlik uchrashuvida (1:1) uchrashuv tugashiga 8 daqiqa qolganida stadionni tark etgan portugaliyalik hujumchi Krishtianu Ronaldu atrofidagi vaziyatga izoh berdi.

“Aytishim kerakki, oʻsha vaziyatda koʻplab oʻyinchilar stadionni tark etishdi, ammo asosiy eʼtibor Krishtianuga qaratilgan. Bu toʻgʻri emas.

Biroz eʼtibor qaratilsa bu ishni bir nechta futbolchilar qilganini anglash mumkin. Bizda eng yaxshi hujumchi bor. Uning jamoada ekanligidan juda xursandman. Hammasi reja boʻyicha ketmoqda”, – dedi Ten Xag.

Eslatib oʻtamiz, “Manchester Yunayted” hujumchisi ushbu oʻrtoqlik uchrashuvida asosiy tarkibda maydonga tushgan, ammo tanaffusda almashtirilgandi.

Keyinroq mankunianliklar bosh murabbiyi esa oʻz shogirdlarining harakatlarini tanqid qilib, ularni nomaqbul deb atadi.

• Fikr
• Futbol
• Ronaldu