31°
Kechasi 18°
Kecha, 26-fevral sanasida Yevropaning grand klublari turli musobaqalar doirasida oʻz oʻyinlarini oʻtkazishdi.
Jumladan, Angliya Liga Kubogi finalida “Manchester Yunayted” “Nyukasl” bilan jamoalari toʻqnash keldi.
“Qizil iblislar”ning birinchi boʻlimda kiritgan ikkita goli gʻalaba uchun yetarli boʻldi.
Shu tariqa “Manchester Yunayted” oʻz tarixida oltinchi marta ushbu musobaqa gʻolibiga aylandi. Faqat “Liverpul” (9) va “Manchester Siti” (8) bu borada “Yunayted”dan yaxshiroq koʻrsatkichga ega.
Angliya Liga Kubogi | Final
“Manchester Yunayted” — “Nyukasl” 2:0
Gollar: 1:0 – 33ʼ Kazemiro, 2:0 – 39ʼ avtogol Botman.
Angliya Premyer-ligasi 25-turining markaziy uchrashuvida “Tottenhem” va “Chelsi” jamoalari oʻzaro bahs olib borishdi.
Birinchi boʻlimda darvozalar ishgʻol qilinmadi. Ikkinchi taymda kiritlgan ikkita gol esa “Tottenhem”ning gʻalabasini taʼminladi.
“Tottenhem” ochkolarini 45 taga yetkazib oldi va 4-pogʻonada bormoqda. APLdagi gʻalabasiz seriyasini beshta oʻyinga yetkazgan “Chelsi” 31 ochko bilan 10-pogʻonani egallab turibdi.
APL | 25-tur
“Tottenhem” — “Chelsi” 2:0
Gollar: 1:0 – 46ʼ Skipp, 2:0 – 82ʼ Keyn.
Oʻz navbatida, La Liganing 23-tur uchrashuvini oʻtkazgan “Barselona” safarda chempionatning autsayder jamoasiga imkoniyatni boy berib qoʻydi.
“Almeriya”ga qarshi bahs olib borgan kataloniyaliklar birinchi boʻlimda oʻz darvozalaridan toʻp olib chiqib olishga majbur boʻlishdi va bu gol oʻyin soʻnggiga qadar yagonaligini saqlagan holda, mezbonlarga gʻalaba keltirdi.
Shu tariqa “Barselona” mavsumdagi ikkinchi magʻlubiyatini qabul qilib oldi. Bundan avval chempionatda faqat “Real” Xavi jamoasini magʻlub etgandi.
Qayd etish mumkin, “Barsa” 59 ochko bilan peshqadam boʻlib turibdi. Eng yaqin taʼqibchi “Real” bilan oʻrtadagi farq 7 ochkoni tashkil qilmoqda. “Almeriya” ushbu gʻalaba evaziga ochkolarini 25 taga yetkazib olgan olda 19-oʻrindan 15-pogʻonaga koʻtarildi.
La Liga | 23-tur
“Almeriya” – “Barselona” 1:0
Gol: 1:0 – 24ʼ Ture.
Fransiya chempionatida PSJ turning markaziy oʻyinida “Marsel”ni yirik hisobda magʻlub etdi. Leo Messi va Kilian Mbappening say-harakatlari evaziga parijliklar “Marsel” darvozasiga javobsiz 3 ta toʻp kiritgan holda, jiddiy raqib ustidan ishonchli gʻalabaga erishishdi.
Ushbu natijadan soʻng, PSJ ochkolari sonini 60 taga yetkazib, peshqadamlikni yanada mustahkamladi. “Marsel” esa 52 ochko bilan ikkinchi oʻrinda bormoqda.
Liga 1 | 25-tur
“Marsel” – PSJ 0:3
Gollar: 0:1 – 25ʼ Mbappe, 0:2 – 29ʼ Messi, 0:3 – 55ʼ Mbappe.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
