“Manchester Yunayted” hujumchisi Edinson Kavani faoliyatini Italiya chempionatida davom ettirishi mumkin, deb xabar beradi Tuttosport.

Manbaning maʼlum qilishicha, 34 yoshli urugvaylik futbolchining xizmatlariga “Yuventus” qiziqish bildirmoqda. Kavanining “Manchester Yunayted” bilan amaldagi shartnomasi 2022-yilning iyunigacha moʻljallangan.

Qayd etilishicha, hujumchi oʻzini motivatsiya qiladigan jamoa topsa, ingliz klubini tark etishga tayyor. Turinning “Yuventus” klubi shartnomani yanvar oyida yakunlashni kutmoqda.

Eslatib oʻtish mumkin, Kavani 2020-yilning oktyabr oyida erkin agent sifatida “Manchester Yunayted”ga oʻtgan edi.

Maʼlumot oʻrnida, joriy mavsumda urugvaylik hujumchi Angliya premyer-ligasining 5 ta uchrashuvida qatnashib, 1 ta gol urishga erishdi.

• Futbol
• Xorij