Viloyat hokimi Shavkatjon Abdurazzoqovning ma’lum qilishicha, oliy ta’lim tizimidagi rejalar doirasida Namanganda kelgusida 10 ta oliy o‘quv yurti tashkil etiladi. 

Ma’lumotlarga ko‘ra, 2021-yil 21-dekabr kuni Xalq deputatlari Namangan viloyati Kengashi bilan XXVII sessiyasi bo‘lib o‘tgan. Yig‘ilishda, viloyat hokimi Shavkat Abdurazzoqovning 2021-yilda hududlarda amalga oshirilgan ishlar hamda 2022-yil uchun ustuvor vazifalar bo‘yicha murojaati tinglangan.

Viloyat hokiminining aytishicha, , Namanganda kelgusida quyidagi 10 ta oliy o‘quv yurti tashkil etiladi: 

- Xalqaro raqamli universitet (IDU-International digital university) Namangan filiali (Buyuk Britaniyaning Vulverxempton universiteti bilan);
- Pokiston Islom Respublikasining Lahor Universiteti bilan hamkorlikda “The international university of Namangan” universiteti;
- “IMPULS BSR” MCHJ tomonidan Davlat xususiy sherikchilik asosida Nodavlat oliy ta’lim muassasasi;
- “QAQNUS INDUSTRY” MCHJ ustav kapitali asosida davlat ulushi bo‘lmagan “Usmon Nosir nomidagi Namangan universiteti”;
- “Yangi asr universiteti” xususiy universitet;
- Qozog‘iston bilan hamkorlikda “Outlet vodiy” MCHJ tomonidan Ijtimoiy-gumanitar xalqaro universitet;
- Ixtisoslashtirilgan Ibrat maktabi qoshida xorijiy tillar universiteti;
- Namangan davlat universiteti qoshida Pedagogika instituti;
- Namangan Davlat universiteti qoshida Jismoniy madaniyat instituti;
- Namangan muhandislik-texnologiya instituti negizida “Namangan to‘qimachilik sanoati texnologiyasi instituti” tashkil etiladi. 

• Institut
• Namangan
• Universitet