Joriy yil 18-dekabr kuni Namangan viloyati Uchqo‘rg‘on tuman FVBga Uchqo‘rg‘on tuman Do‘stlik mahalla fuqarolar yig‘ini Do‘stlik ko‘chasi 106-uy 10-xonadonida sodir bo‘lgan yong‘in oqibatida ikki kishi vafot etdi.

Viloyat FVB bergan ma’lumotga ko‘ra, xonadonda yong‘in sodir bo‘layotganligi to‘g‘risida ma’lumot o‘sha kuni soat 2:34da kelib tushgan.

Kelib tushgan ma’lumotga asosan soat 2:38da tuman FVB yong‘in qutqaruvchilari voqea joyga yetib borgan va soat 2:40da yong‘in joyi o‘rab olingan.

Yong‘in oqibatida yashash uyining ichki qismidan 40 kv.metr joyi va uy-ro‘zg‘or buyumlari hamda qo‘shnisini yashash uyini ichki qismidan 10 kv.metr va 12-xonadonning eshigi va uyga kirish yo‘lak devorlari yonib zararlangan.

Sodir bo‘lgan yong‘in soat 3:00da to‘liq bartaraf etilgan.

Yong‘in o‘chirish vaqtida kuygan holda 2 qavat yo‘lagidan 10-xonadon egasining jasadi va yashash uyining yuvinish xonasida farzandining tutunga dimiqqan holda jasadi topilgan.

Yong‘in o‘chirish vaqtida 106-sonli ko‘p qavatli uyda yashovchi 6 nafar ayol, 6 nafar erkak va 4 nafar voyaga etmagan o‘g‘il va qiz bolalar Uchqo‘rg‘on tuman FVB yong‘in qutqaruvchilari tomonidan xavfsiz hududga evakuatsiya qilingan.

Hozirda sodir bo‘lgan yong‘in yuzasidan tegrovga qadar surishtiruv ishlari olib borilmoqda.

• FVV
• Namangan
• yong‘in