Ijtimoiy tarmoqlarda giyohvandlik moddalarini tarqatish bilan shugʻullanganlar nomaʼlum shaxslar tomonidan kaltaklanib, ularga tan jarohati yetkazilgani aks etgan videolavhalar tarqalgan edi.

Toshkent viloyati IIBB xodimlari tomonidan olib borilgan tezkor tadbirlar davomida jinoyatga aloqador oʻndan ortiq shaxslar ushlangan.

Qayd etilishicha, joriy yilning 22-yanvar kuni Qibray tumani hududida (Telegram-bot orqali topshiriq olib, giyohvandlik moddalarini tarqatish bilan shugʻullangan)larni nomaʼlum shaxslar urib, ularga tan jarohati yetkazishgan va ushbu holat video tasvirga olingan.

Mazkur holat yuzasidan IIBB va boshqa hamkorlikdagi organlar tomonidan oʻtkazilgan tezkor tadbirda 1997–2003-yilda tugʻilgan oʻndan ortiq shaxslar gumonlanuvchi sifatida ushlangan.

Ularga nisbatan “qamoq” ehtiyot chorasi qoʻllangan va jinoyat ishi qoʻzgʻatilib, tergov harakatlariga kirishilgan.

Dastlabki tergovda aniqlanishicha, gumonlanuvchilar maʼlum moddiy manfaat evaziga shu kabi bir nechta voqeada ishtirok etib, tan jarohati yetkazish holati aks ettirilgan video yozuvlarni ijtimoiy tarmoq orqali buyurtmachiga yetkazib berishgan.

Keltirilishicha, holat yuzasidan maʼlumotlar toʻldirilib, batafsil axborot beriladi.

• Giyohvandlik
• IIBB
• Samosud
• Toshkent viloyati