Latviyada Germaniyadan olib kelingan yuqori harakatchanlikdagi artilleriya raketa tizimlari (HIMARS) bilan harbiy mashg‘ulot bo‘lib o‘tdi.

Namoyish NATOning Boltiqboʻyini himoya qilishga tayyorligini koʻrsatish uchun moʻljallangan.

Milliy Qurolli kuchlar qo‘mondoni Leonids Kalninsning ta’kidlashicha, raketa tizimining tez fursatda yetib kelishi mamlakatning NATOga nisbatan ishonchini oshirgan.

“Bu NATOning 5-moddasi naqadar muhimligini yana bir bor aytish uchun yana bir imkoniyat, bunda NATOning bir aʼzosiga qilingan hujum barcha aʼzolariga qilingan hujumdir. Gʻarb ittifoqi Ukrainadagi urushni toʻgʻri yoʻlga qoʻyish uchun birdam boʻlishi kerak”, – deya qo'shimcha qildi AQShning Latviyadagi elchisi Jon Karvil.

Namoyishdan keyin raketalar Germaniyaga qaytib ketgan, ammo Boltiqbo‘yining uchta davlati ham AQShdan o‘zlarining HIMARSlariga buyurtma berishgan.

Ma'lumot uchun, AQShda ishlab chiqarilgan M142 HIMARS dunyodagi eng ilg’or ko‘p raketa uchirish tizimlaridan biri bo‘lib, uning ishlash masofasi 480 km gacha yetadi.

Ushbu qurol uzoq masofadagi nishonlarga zarba berishga imkon beradi.

• AQSh
• Latviya
• Rossiya
• Ukraina