Navoiy kon-metallurgiya kombinati 2 ta davlat korxonasi va aksiyadorlik jamiyatiga bo‘lindi. Bu haqda jamiyat matbuot xizmati xabar berdi.

Qayd etilishicha, 2022-yilning 1-yanvar kunidan boshlab “Navoiy kon-metallurgiya kombinati” davlat korxonasi negizida 3 ta mustaqil korxona — “Navoiy kon-metallurgiya kombinati” aksiyadorlik jamiyati, “Navoiyuran” davlat korxonasi, “Navoiy kon-metallurgiya kombinati jamg‘armasi”davlat muassasasi tashkil qilindi.

Ma’lum qilinishicha, so‘nggi uch yilda Navoiy kon-metallurgiya kombinatini transformatsiya qilish bo‘yicha ishlar olib borilgan. 

Bunda Prezidentning 2020-yil 6-martdagi “Navoiy kon-metallurgiya kombinati” davlat korxonasini isloh qilish chora-tadbirlari to‘g‘risidagi qarori, Vazirlar Mahkamasining 2021-yil 30-martdagi “Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamg‘armasi” davlat muassasasi faoliyatini tashkil etish to‘g‘risidagi qarori dasturilamal bo‘lgan.

• Metallurgiya
• Navoiy